.jpg)
انٹرنیٹ کیبل میں فالٹ ابھی باقی، 80 فیصد آئی ٹی پارک منصوبہ مکمل — شزہ فاطمہ
.png "Internet cable fault still remains, 80 percent of IT Park project completed — Shaza Fatima")
اسلام آباد: سیکرٹری اطلاعات و ٹیکنالوجی نے قومی اسمبلی کی قائمہ کمیٹی برائے آئی ٹی و ٹیلی کام کو بتایا ہے کہ انٹرنیٹ کی زیرِ سمندر کیبل میں پیدا ہونے والا فالٹ تاحال مکمل طور پر ٹھیک نہیں ہوسکا، تاہم کنسورشیم کی جانب سے مرمت کا کام جاری ہے۔ ان کے مطابق، پاکستان کی انٹرنیٹ ٹریفک کو عارضی طور پر متبادل راستوں پر منتقل کردیا گیا ہے تاکہ صارفین کو کم سے کم مشکلات پیش آئیں۔
کمیٹی کے اجلاس میں ملک بھر میں ناقص موبائل سگنلز کے مسئلے پر تشویش کا اظہار کیا گیا اور اگلے اجلاس میں پی ٹی اے حکام کو طلب کرنے کا فیصلہ کیا گیا۔ اجلاس میں اسلام آباد آئی ٹی پارک کے منصوبے پر بھی تفصیلی بریفنگ دی گئی، جہاں پروجیکٹ ڈائریکٹر نے بتایا کہ منصوبے کا تقریباً 80 فیصد کام مکمل ہوچکا ہے۔
وفاقی وزیر برائے آئی ٹی شزہ فاطمہ نے اجلاس کو بتایا کہ یہ منصوبہ کورین کمپنی کے تعاون سے مکمل کیا جارہا ہے، تاہم تاخیر کے باعث وزیراعظم نے انکوائری کا حکم دیا ہے۔ ان کا کہنا تھا کہ اسپیکٹرم کی قلت اور قانونی تنازعات کے باعث نیٹ ورک کے مسائل درپیش ہیں، کیونکہ ملک اس وقت 274 میگا ہرٹز اسپیکٹرم پر چل رہا ہے جو ناکافی ہے۔ حکومت آئندہ دسمبر یا جنوری میں نیا اسپیکٹرم آکشن کرانے کی کوشش کر رہی ہے۔
📢 Join our WhatsApp Channel for latest news and updates! تازہ ترین اپڈیٹس کے لیے ابھی اُردو انسائیٹ کے وٹس ایپ چینل کو فالو کریں