ایشیا کپ میں ناکامی کے بعد پی سی بی نے قومی کرکٹرز کے این او سی معطل کر دیے، بڑے نام متاثر

 ایشیا کپ میں ناکامی کے بعد پی سی بی نے قومی کرکٹرز کے این او سی معطل کر دیے، بڑے نام متاثر

لاہور: پاکستان کرکٹ بورڈ (پی سی بی) نے ایشیا کپ ٹی ٹوئنٹی فائنل میں بھارت کے ہاتھوں شکست کے بعد قومی کرکٹرز کو جاری کیے گئے غیر ملکی لیگز کے این او سی معطل کر دیے ہیں۔

پی سی بی کے چیف آپریٹنگ آفیسر سمیر احمد کی جانب سے اس حوالے سے باضابطہ نوٹیفکیشن جاری کر دیا گیا ہے۔

ذرائع کے مطابق این او سی کی معطلی کا فیصلہ ایشیا کپ کے اختتام کے فوراً بعد کیا گیا، جس کے نتیجے میں وہ کرکٹرز براہِ راست متاثر ہوں گے جنہیں آسٹریلیا کی بگ بیش لیگ (BBL) میں شرکت کے لیے این او سی جاری کیے گئے تھے۔

معطلی سے پاکستان کے ٹاپ کرکٹرز بابراعظم، شاہین شاہ آفریدی، محمد رضوان اور فہیم اشرف سمیت کئی بڑے نام متاثر ہوں گے۔

📢 Join our WhatsApp Channel for latest news and updates! تازہ ترین اپڈیٹس کے لیے ابھی اُردو انسائیٹ کے وٹس ایپ چینل کو فالو کریں