.jpg)
پاکستان کے زیر انتظام کشمیر میں ’جموں کشمیر جوائنٹ عوامی ایکشن کمیٹی‘ کی ہڑتال، رابطے متاثر
.jpg "Jammu Kashmir Joint Public Action Committee strikes in Pakistan-administered Kashmir, communications affected")
پاکستان کے زیر انتظام کشمیر میں آج (29 ستمبر) ایک بار پھر پہیہ جام اور شٹر ڈاؤن ہڑتال کی جا رہی ہے، جس کی کال تاجروں اور عوام کی نمائندہ تنظیم جموں کشمیر جوائنٹ عوامی ایکشن کمیٹی نے دی ہے۔
احتجاج کے باعث حکام نے کشمیر کے مختلف علاقوں میں لینڈ لائن، موبائل، انٹرنیٹ اور سوشل میڈیا کو جزوی طور پر بند کر دیا ہے، جس کے نتیجے میں عوام کو رابطے میں مشکلات کا سامنا ہے۔ امن و امان کی صورتحال برقرار رکھنے کے لیے کشمیر کی حکومت نے وفاق سے اضافی پولیس اور فورسز طلب کر لی ہیں۔
ایکشن کمیٹی کے مطابق ہڑتال کے بنیادی مطالبات میں آٹے اور بجلی کی فراہمیاں مقررہ نرخوں پر یقینی بنانے کے علاوہ کشمیری اشرافیہ کے مراعات میں کمی، مخصوص اسمبلی نشستوں کا خاتمہ اور مفت تعلیم و صحت کی سہولیات کو بھی شامل کیا گیا ہے۔ کمیٹی کا الزام ہے کہ حکومت دو سال قبل طے پانے والے معاہدے پر مکمل عمل درآمد میں ناکام رہی، جس کی وجہ سے یہ احتجاج کیا جا رہا ہے۔
📢 Join our WhatsApp Channel for latest news and updates! تازہ ترین اپڈیٹس کے لیے ابھی اُردو انسائیٹ کے وٹس ایپ چینل کو فالو کریں