وزیراعظم شہباز شریف اور فیلڈ مارشل عاصم منیر کی امریکی صدر ٹرمپ سے ملاقات، صدر کو امن کا علمبردار قرار دے دیا

 وزیراعظم شہباز شریف اور فیلڈ مارشل عاصم منیر کی امریکی صدر ٹرمپ سے ملاقات، صدر کو امن کا علمبردار قرار دے دیا

وزیراعظم شہباز شریف اور فیلڈ مارشل عاصم منیر نے امریکی صدر ڈونلڈ ٹرمپ سے ملاقات کی، جو گرمجوشی اور خوشگوار ماحول میں ہوئی، اس کا اعلامیہ وزیراعظم آفس کی جانب سے جاری کر دیا گیا ہے۔

اعلامیے کے مطابق وزیراعظم نے صدر ٹرمپ کو دنیا بھر میں امن کے لیے کام کرنے والا علمبردار قرار دیا اور ان کی جرات مندانہ اور فیصلہ کن قیادت کو سراہا۔ وزیراعظم نے کہا کہ صدر ٹرمپ نے پاکستان اور بھارت کے درمیان جنگ بندی میں اہم کردار ادا کیا اور جنوبی ایشیا میں بڑی تباہی کو ٹالنے میں مدد فراہم کی۔

اس موقع پر وزیراعظم شہباز شریف نے مسلم رہنماؤں کو اعتماد میں لینے پر صدر ٹرمپ کا شکریہ ادا کیا اور پاکستان اور امریکا کے درمیان تجارتی تعلقات میں بہتری پر اطمینان کا اظہار کیا۔ انہوں نے امریکی کمپنیوں کو پاکستان کے آئی ٹی، توانائی اور معدنیات کے شعبوں میں سرمایہ کاری کی دعوت دی اور انسداد دہشت گردی میں امریکی تعاون بڑھانے پر زور دیا۔

مزید برآں، وزیراعظم نے صدر ٹرمپ کو دورہ پاکستان کی دعوت بھی دی اور امریکی صدر کی پاکستان کے کردار کی کھلی حمایت پر شکریہ ادا کیا۔

📢 Join our WhatsApp Channel for latest news and updates! تازہ ترین اپڈیٹس کے لیے ابھی اُردو انسائیٹ کے وٹس ایپ چینل کو فالو کریں