مودی کا جنگی جنون، بھارتی یومِ آزادی کی تقریب میں ایک اور مشن لانے کا اعلان

 مودی کا جنگی جنون، بھارتی یومِ آزادی کی تقریب میں ایک اور مشن لانے کا اعلان, بھارتی وزیر اعظم نریندر مودی نے انڈیا کے یوم آزادی کے موقع پر ایک بار پھر اپنے جنگی عزائم کا اظہار کرتے ہوئے جدید دفاعی نظام لانے کا اعلان کردیا۔

مودی کا یہ اعلان دفاع کے نام پر جنگی جنون اور خطے میں عدم استحکام کی نئی کوشش قرار دی جا رہی ہے۔

بھارتی میڈیا رپورٹس کے مطابق نریندر مودی نے لال قلعے میں عوام سے خطاب میں اعلان کیا کہ ان کی حکومت 2035 تک ایک نیا جدید دفاعی نظام ”سودرشن چکرا“ (Sudarshan Chakra) لانے کی تیار کر رہی ہے، جس کا مقصد قومی اہمیت کے مقامات کا تحفظ ہوگا۔

مودی نے لال قلعے سے اپنے خطاب میں کہا کہ یہ نیا دفاعی نظام تمام اہم مقامات جیسے ریلوے اسٹیشنز، اسپتالوں اور مذہبی مقامات کی حفاظت کرے گا۔

پاکستان کے یومِ آزادی پر مودی کا نفرت انگیز پیغام

مودی کے بقول یہ دفاعی نظام بھگوان شری کرشن کے افسانوی ہتھیار سودرشن چکر سے متاثر ہو کر تشکیل دیا جا رہا ہے۔

بھارتی وزیراعظم کا کہنا تھا کہ سال 2035 تک ہم سودرشن چکر مشن کے تحت ایک ایسی سیکیورٹی شیلڈ بنائیں گے جو دشمن کو تباہ کن جواب دینے کے قابل ہو۔

جنگی جنون میں مبتلا مودی کا مزید کہنا تھا کہ اس منصوبے میں “پریسائز ٹارگٹ سسٹم یعنی ہدف کو درست نشانہ بنانے والی ٹیکنالوجی شامل ہوگی۔

اپنے خطاب میں نریندر مودی نے پاکستان کے خلاف کیے جانے والے آپریشن سندور کا ذکر کرتے ہوئے دوبارہ دعویٰ کیا کہ بھارت نے پاکستان کی جانب سے مبینہ میزائل اور ڈرون حملوں کو نئی دفاعی ٹیکنالوجی سے روکا۔

📢 Join our WhatsApp Channel for latest news and updates! تازہ ترین اپڈیٹس کے لیے ابھی اُردو انسائیٹ کے وٹس ایپ چینل کو فالو کریں