سابق اسپیکر سندھ اسمبلی آغا سراج درانی انتقال کر گئے، سیاسی و جمہوری خدمات پر خراجِ عقیدت
.jpg "Former Speaker Sindh Assembly Agha Siraj Durrani passes away, tributes paid to his political and democratic services")
کراچی : پاکستان پیپلز پارٹی کے سینئر رہنما اور سابق اسپیکر سندھ اسمبلی آغا سراج درانی انتقال کر گئے۔ انہیں ایک ماہ قبل برین ہیمرج ہوا تھا جس کے بعد وہ اسپتال میں زیرِ علاج تھے، تاہم طبیعت میں دوبارہ خرابی کے باعث آج ڈاکٹرز نے ان کے انتقال کی تصدیق کردی۔
ایوانِ صدر، وزیرِاعظم شہباز شریف اور وزیرِاعلیٰ سندھ مراد علی شاہ سمیت دیگر سیاسی شخصیات نے آغا سراج درانی کے انتقال پر گہرے دکھ اور افسوس کا اظہار کیا ہے۔
وزیرِاعظم شہباز شریف نے مرحوم کے لیے مغفرت اور اہلِ خانہ کے لیے صبر و استقامت کی دعا کرتے ہوئے کہا کہ آغا سراج درانی نے بطور اسپیکر سندھ اسمبلی نمایاں خدمات انجام دیں، ان کی عوامی فلاح اور جمہوریت کے لیے جدوجہد ہمیشہ یاد رکھی جائے گی۔
وزیرِاعلیٰ سندھ مراد علی شاہ نے اپنے تعزیتی بیان میں کہا کہ آغا سراج درانی پیپلز پارٹی کے وفادار اور اصول پسند رہنما تھے جنہوں نے سندھ اسمبلی کو مضبوط بنانے اور جمہوریت کے استحکام میں اہم کردار ادا کیا۔
واضح رہے کہ آغا سراج درانی 31 مئی 2013 سے 25 مئی 2024 تک اسپیکر سندھ اسمبلی کے عہدے پر فائز رہے اور مارچ تا اکتوبر 2022 قائم مقام گورنر سندھ کے طور پر بھی خدمات انجام دیں۔
📢 Join our WhatsApp Channel for latest news and updates! تازہ ترین اپڈیٹس کے لیے ابھی اُردو انسائیٹ کے وٹس ایپ چینل کو فالو کریں