غزہ کیلئے امدادی فلوٹیلا کے قریب دھماکے، اسرائیلی حملوں میں شدت

 

عرب میڈیا کے مطابق غزہ کے لیے امداد لے جانے والے گلوبل صمود فلوٹیلا کے قریب متعدد دھماکے اور ڈرون پروازوں کی اطلاعات موصول ہوئی ہیں۔ رپورٹس کے مطابق اب تک جہازوں کے قریب کم از کم 11 دھماکے ہوئے جبکہ 9 کشتیوں کو فلیش بینگز کا نشانہ بنایا گیا، تاہم ان واقعات میں کسی جانی نقصان کی اطلاع نہیں ملی۔

ادھر غزہ شہر میں اسرائیلی فضائی اور زمینی حملوں میں بھی تیزی آگئی ہے۔ میڈیا رپورٹس کے مطابق فوجی ٹینکوں کے ساتھ بارود سے بھری ناکارہ فوجی گاڑیوں سے رہائشی عمارتوں کو نشانہ بنایا جا رہا ہے، جن حملوں کے نتیجے میں مزید 30 سے زائد فلسطینی شہید ہوگئے ہیں۔

دوسری جانب حماس نے جوابی کارروائی کرتے ہوئے ایک اسرائیلی ٹینک کو ٹینک شکن میزائل سے نشانہ بنانے کا دعویٰ کیا ہے۔

📢 Join our WhatsApp Channel for latest news and updates! تازہ ترین اپڈیٹس کے لیے ابھی اُردو انسائیٹ کے وٹس ایپ چینل کو فالو کریں