پاکستانی بحریہ نے بحیرہ عرب میں اربوں روپے کی منشیات ضبط کر لیں

 پاکستانی بحریہ نے بحیرہ عرب میں اربوں روپے کی منشیات ضبط کر لیں

پاکستانی بحریہ کے جہاز پی این ایس یرموک نے بحیرہ عرب میں دو کشتیوں سے تقریباً ایک ارب ڈالر مالیت کی منشیات ضبط کر لی ہے۔ یہ کارروائی کمبائنڈ میری ٹائم فورس (سی ایم ایف) کے ساتھ مشترکہ طور پر کی گئی، جس میں امریکہ بھی شامل ہے۔

سی ایم ایف کے بیان کے مطابق، پاکستانی بحریہ کے عملے نے گزشتہ ہفتے 48 گھنٹوں کے اندر دو مختلف کشتیوں کو روکا اور کئی ٹن کرسٹل میتھ ایمفیٹامین کے ساتھ ساتھ معمولی مقدار میں کوکین قبضے میں لی۔ ضبط شدہ کشتیوں کی قومیت کی نشاندہی نہیں کی گئی۔

سی ایم ایف ٹاسک فورس کے کمانڈر، رائل سعودی نیول فورسز کموڈور فہد الجوید نے اس کارروائی کو "سب سے کامیاب منشیات ضبطی" قرار دیا۔ امریکی سینٹرل کمانڈ نے بھی سی ایم ایف کو سوشل میڈیا پر مبارکباد دی۔

کمبائنڈ میری ٹائم فورسز ایک بین الاقوامی بحری شراکت داری ہے جو 32 لاکھ مربع میل بین الاقوامی پانیوں میں سلامتی، استحکام اور خوشحالی کو فروغ دیتی ہے۔ اس کے صدر دفتر بحرین میں واقع ہے اور اس کی کمانڈ یو ایس نیوی کے وائس ایڈمرل کے پاس ہے۔ 47 رکن ممالک پر مشتمل اس اتحاد کا مقصد اہم شپنگ لینز کی حفاظت کے ساتھ دہشت گردی، بحری قزاقی اور دیگر غیر قانونی سرگرمیوں کا مقابلہ کرنا ہے۔

📢 Join our WhatsApp Channel for latest news and updates! تازہ ترین اپڈیٹس کے لیے ابھی اُردو انسائیٹ کے وٹس ایپ چینل کو فالو کریں