اسرائیل کی جنگ بندی معاہدے کی خلاف ورزی پر حماس نے مغویوں کی لاشوں کی حوالگی مؤخر کردی

  اسرائیل کی جنگ بندی معاہدے کی خلاف ورزی پر حماس نے مغویوں کی لاشوں کی حوالگی مؤخر کردی

فلسطینی مزاحمتی تنظیم حماس نے اعلان کیا ہے کہ اسرائیل کی جانب سے جنگ بندی معاہدے کی مسلسل خلاف ورزیوں کے باعث مغویوں کی لاشوں کی حوالگی کا عمل مؤخر کردیا گیا ہے۔

حماس کے عسکری ونگ القسام بریگیڈز کے مطابق اسرائیلی فوج کے حملے یرغمالیوں کی لاشوں کی تلاش اور حوالگی میں رکاوٹ بن رہے ہیں۔ تنظیم نے اسرائیلی بمباری کو شرم الشیخ میں طے پانے والے جنگ بندی معاہدے کی کھلی خلاف ورزی قرار دیا۔

بیان میں مزید کہا گیا کہ رفح کراسنگ کی بندش اور حملوں کا سلسلہ اس بات کا ثبوت ہے کہ اسرائیل معاہدے کی شرائط پامال کرنے اور اسے سبوتاژ کرنے پر تُلا ہوا ہے۔

حماس نے جنگ بندی کے ضامن ممالک سے اپیل کی کہ وہ فوری طور پر اسرائیل پر دباؤ ڈالیں تاکہ حملے بند کیے جائیں اور معاہدے کی تمام شقوں پر عمل درآمد یقینی بنایا جا سکے۔

📢 Join our WhatsApp Channel for latest news and updates! تازہ ترین اپڈیٹس کے لیے ابھی اُردو انسائیٹ کے وٹس ایپ چینل کو فالو کریں